XX. mendeko Euskararen Corpus estatistikoa
Testuingurua
Epaiketa ekainaren 22rako zegoen jarria.
Memphisera egindako bueltatik aste betera Horacek Miss Rebari deitu zion telefonoz.
- Oraindik hor den jakiteko besterik ez - esan zion.
Behartuz gero berarekin harremanetan jarri ahal izateko.
- Hemen da - esan zuen Miss Rebak.
Baina bere bila etortzerik ez dut nahi.
Ez dut hemen txakurrik atzera eta aurrera ikusteko gogorik, nire poltsarako zerbait ateratzeko ez bada behintzat.
- Aguazil soila izango da - esan zuen Horacek.
Eskura paper bat eman besterik egingo ez duen norbait.
- Postariaren esku utzi, orduan - esan zuen Miss Rebak.
Bidea badaki.
Uniformea soinean izango du beronek ere.
Txakurrik txukun eta dotoreenari baino okerrago ez dio ematen, bestalde.
Utzi honen esku.
- Ez zaitut molestatuko - esan zuen Horacek.
Ez dizut molestiarik txikiena ere sortu nahi.
- Pentsatzen ahal duzu - esan zuen Miss Rebak.
Ahots ahuldu eta erlastua sentitzen zen telefonoz.
Ez dizut aukerarik emango.